Árleg minningarguðsþjónusta Alnæmissamtakanna var haldin í Fríkirkjunni 28. maí síðastliðinn, athöfnin er til minningar um þau er látist hafa úr alnæmi hér á landi.

Meira >>>

Þann 18. febrúar sl. hófst fræðslu- og forvarnarverkefni Alnæmissamtakanna í grunnskólum landsins. Fræðslan snýr að börnum í 9. og 10. bekkjum grunnskóla landsins. Ætlunin er að heimsækja alla grunnskóla landsins.

Meira >>>

GÖNGUDEILD SMITSJÚKDÓMA
LANDSPÍTALA HÁSKÓLASJÚKRAHÚSI

Göngudeild smitsjúkdóma starfar samkvæmt V. kafla, 16 gr. Sóttvarnalaga 19/ 1997: “Starfrækja skal göngudeildir vegna tilkynningaskyldra smitsjúkdóma sem veita meðferð og rekja smitleiðir”.

Meira >>>

Miðvikudaginn 1. desember, á alþjóðlega alnæmisdeginum, verður að vanda opið hús hjá Alnæmissamtökunum. Boðið verður upp á kaffi og meðlæti milli kl. 16.00 og 19.00 í félagsmiðstöð samtakanna að Hverfisgötu 69.

Í ár er yfirskrift alþjóðalnæmisdagsins Konur og alnæmi og kjörorð dagsins er: Hlustið á rödd okkar!

Raddir munu heyrast hjá Alnæmissamtökunum á 1. des.:

Klukkan 17.00 flytur Ingrid Jónsdóttir ljóð úr bókinni Tímaspor eftir Védísi Leifsdóttur.

Klukkan 17.10: Ég spurði lækninn hvort tæki því fyrir mig að láta skipta um glugga í íbúðinni: Lesin brot úr viðtölum við íslenskar hiv-jákvæðar konur. Lesarar: Guðbjörg Sveinsdóttir, Guðlaug Teitsdóttir og Lísa Pálsdóttir.

Klukkan 18.00: Konuraddir: Margrét Pálmadóttir mætir með fríðum kvennaflokki, gestasöngvari Andrea Gylfadóttir.

Á alþjóðlega alnæmisdeginum 1. desember næstkomandi munu Alnæmissamtökin að vanda hafa opið hús og bjóða til veislu í húsnæði samtakanna að Hverfisgötu 69. Fyrirhuguð er dagsskrá með upplestri og tónlist. Okkur væri mikil ánægja af því að sjá þig á staðnum.